南园重新开张果日有份过去观礼，于是老实唔客气逛了一个圈，发现的确几靓，不愧为园林酒家。不过听讲只有两个地方係旧南园留低的，其它大部分都是新建。

大厅同埋“林中林”果边的厅房都係食中餐，最特别嘅就係亭都可以改装成房间，空间好大，而且都用满洲窗镶嵌，睇落古色古香咁，可惜冇独立洗手间啦！

而另一边“园中园”就係食外来野了，包括西餐、东南亚、韩日料理等，所以装修布局同林中林果边十分唔同。西餐厅门口仲要搞到好似婚沙铺头门口咁，哈哈！而另外的木屋房就几过瘾～

南园消费属于中等，而且呢度普通一间房嘅最低消费都要1500元，确实贵到晕！所以如果10人以下要去食饭，都係坐大厅比较划算了。