当前位置: 美食首页 > 美食推荐
大猩猩 发表日期 :2012-06-08
高级食神二级 点击数 :11407
加为好友 发悄悄话 投票数 :2

吃得很无奈很不爽的一餐海鲜

       环市路国龙大厦下的某连锁酒家,平日去饮茶,卫生服务等都几好,点心也不算差,本来俾我的印象都几好,但上周五的一餐海鲜令我感觉无奈。                                                                                                                                                           

       食饭当然要点菜噶啦,小朋友话要食虾,我梗系第一时间点噶啦。去到海鲜池,见到个阿伯在捞D过左身的赖尿虾走,心想大酒店系注意品质啵,点左斤半赖尿虾盐水浸,半斤竹节虾白灼,一只膏蟹粉丝煲,点知就甘中招。等D货上台后一睇,都足称,但赖尿虾除左铺面的5只虾尺寸接近海鲜池的货外,下面都系小虾,过分的系大虾全部都在落盐水前瓜左唔知几耐的,就系之前睇到阿伯捞出来果D……16只竹节虾中有4只D肉都霉晒的,又系死虾……好在只蟹无事,否则即时翻台了。

        正货入边捞水货,属于成本分摊的潜规则,我理解,问题系捞都捞得有水平D啦。我故意将唔新鲜的货摆晒台面,睇有无高级工作人员来嘘寒问暖。如我所料,当周边的部长服务员全部见到有甘的事,交头接耳传递完指令后,就有服务员试图将水货收走,俾我拒绝后就无人当睇唔到了。老婆问我点解唔发烂渣,我好无奈甘讲,食果两三百文野,掺水货的比例其实亦唔算过分,无谓影响自己心情啦。跟住就在我唔吵又无人理的情况下过渡到下一场戏。

       好啦,埋完单啦,我同个部长有以下对话

       我:部长啊,你睇下你地的海鲜新鲜成甘哦,成堆死左的高蛋白可以上台面的吗?

      部长竟然好有礼貌甘讲:“你食成甘,边睇得出唔新鲜啊”,果然培训过!

      我:我特登剥开个壳摆系度,大家讲广东话的,你够胆讲新鲜?

      部长认真睇下D水货,微笑不语。

      我:我知同你讲都无用噶啦,潜规则就系甘。麻烦你开会时通知厨房D师傅,椒盐美极先捞死虾啦,盐水白灼呢D甘易睇得出新唔新鲜的做法就唔好捞嘛,甘低级的错误。

      跟住就带住家人在部长满面绯红的职业微笑中扬长而去,带住无奈的心…………

本文作者精彩推荐

觅食专题

网友留言

公告栏

近期热点

近期大奖活动