×

新导航介绍,点击查看

当前位置: 美食首页 > 美食推荐
DeMonk 发表日期 :2011-07-12 餐 厅 名:中森名菜
高级食神三级 点击数 :8598 所在地区:广州市 天河 天河北/广州东站
加为好友 发悄悄话 投票数 :10 看看附近其他推荐餐厅

丰俭由人@中森名菜

上个月张广之旅卡熬到差唔多到期啦,就上网搵咗下边D食肆可以光顾啦,望咗吓都系黎呢间中森名菜比较搵阵,有D神马西餐厅,贵到乜甘,我果200蚊都唔知道吃得D乜,所以都系黎呢间有D人话好贵,有D人话好便嘅地方啦!!

之前返工系呢边,有时候散步都会经过呢树,不过听闻话入边d野贵到咩咁,但又有时听D人讲呢树便有便吃,贵有贵吃,所以今次一于黎探个究竟,有时候都系亲身体验下最实际,听甘多都无用!!果日去玩zoo之后就搭车过黎啦,大概去到6点左右,经已好多人吃紧野啦,入边都几大,不过我唔太中意呢树比较昏暗嘅灯光,距地呢树唔错嘅系,配置好好多大中小台,唔使等顾客搭台,不过始终都系认为双人台太细啦~望咗吓距地嘅餐牌,真系好似D人话斋,便有便吃,贵有贵吃,距好多样野都有唔同等级唔同层次嘅价格,所以睇你自己承受嘅程度啦,而且距地有好多拉面定食等等嘅,所以唔使惊话吃唔饱,而且仲有少少小炒类嘅野,价钱都唔算话好贵,普普通通嘅都系30蚊左右个送,所以我都好放心甘随便叫噜~

行入黎嘅时候见到好多人都叫咗一大煲嘅物体,后黎知道系果煲什么霸王粥还是神马粥,先15蚊咋,所以我地都整煲叹叹,呢煲野应该系果D海鲜等嘅杂七杂八嘅捞埋一齐熬嘅,所以味道好清甜,粥底都好绵,吃落去滑溜溜的,清清肠胃都唔错,而且好大一煲啊,吃咗几碗吃到我傻吓傻下咁,到最后两个人都系吃唔晒!

有甘大煲垫底之后,就叫多咗个日式叉烧拉面,距地嘅拉面都好大一碗,而且拉面都几好吃,'正宗嘅拉面究竟系点嘅呢?'呢个又飞出黎啦,面身几柔软而且唔会好容易断,伴埋D汤一齐吃唔错哦~面头仲有例牌嘅配料,果个日式叉烧真系好鬼似人地D扎肉,仲要扎到岩好一层肥一层瘦至顶瘾喔,味道岩岩好,都几大块一片的!

两个主食之后再点多个类似小炒嘅大葱炒鸡做送,距地呢树嘅鸡整得好干身,好似干逼甘,鸡肉实实嘅,不过非常入味,而且D大葱都好香,不过有D老啊,唔错唔错,呢个好似系30几蚊左右,份量黎讲就少咗D

睇餐单嘅时候见到呢树都有蒸蛋吃,而且岩好有两款,好似都系买12蚊,甘就一于两个都叫晒,一个系蟹子海鲜嘅,一个系海胆什么的,去日料店见到呢种蒸蛋就非常有兴趣想吃架啦,最主要系因为距地好得意,而且蒸水蛋本身就几好味,而且配埋距地呢树嘅蟹子同海胆,味道都几好,不过始终都系吃唔惯海胆,味道怪怪的~

吃饱饱,见到隔离点咗好多寿司撩起咗条瘾,所以又叫多叠花之恋,哈哈哈!呢树嘅花之恋都几大够,三文鱼都好鲜甜,正,配埋蟹子同蛋黄酱仲有一大堆芥末一齐吃,yummy~一啖塞距地入口,最正!

呢餐几样野记得好似系吃咗140蚊,要加收10%嘅服务费,呢树嘅服务都算OK架啦,不过都系有待加强人员啊~走嘅时候望咗吓餐牌至发觉死蠢,呢树饮料入边有个好特别嘅野,就系十二星座饮品,下次黎嘅时候一定要试试!!吃过今次,终于知道究竟中森名菜究竟系贵系便啦~丰俭由人,反正吃得起嘅咪吃贵D咯,吃唔起嘅咪便便地吃咯!呵呵呵~下次再去再去

DeMonk 对餐厅的评价:
出品: 服务:一般 人均消费:70
餐厅:中森名菜    用手机搜餐厅、发食评,随时随地当食神!
详细地址:广州市天河区天河北路378号都市华庭2楼
订座电话:020-38808118
菜式风味:粤菜
适合类型:家庭聚会,情侣约会,商务洽谈,朋友聚会
服务态度:好
人均消费:50-100
推荐菜式:三文鱼刺身、 霸王粥、 鳗鱼饭、 铁板烧神户牛肉、 寿司、 江户寿司组合、大虾天妇罗、新野霸王粥、 鳗鱼滑蛋饭

本文作者精彩推荐

觅食专题

网友留言

公告栏

近期热点

近期大奖活动