POCO 2018新版已上线,美食社区作品已迁移到新版的美食分类摄影作品,敬请留意!前往POCO新版
当前位置: 美食首页 > 美食推荐
belle 发表日期 :2008-07-07
高级食神三级 点击数 :27055
加为好友 发悄悄话 投票数 :6

隐藏于米市路的大排档

      以前懒猫成日叫我地去米市路果间大排档吃野,一直都未有机会去,琴日终于有机会去闻名已久的果间大排档试下了。我地坐地铁到西门口站落,沿住B出口一直行,行到米市路路口转入去一直行,一路行过来都只系觉得系一条普通的巷子,完全唔觉得会有野吃甘样。经过米市路同光塔路交界再向前行无几远,远远见到有一堆人坐系路边就知道到目的地了。间大排档无名,于是我地同距改左个名叫“笑虾虾”,果度格局同陈家祠后巷差唔多,系骑楼下面摆左几张细枱,几张矮凳甘就一围了。我地去到大概7点,已经座无虚席,望左一下,见到几乎张张枱都点一碟豉汁蒸钳鱼,好似几好甘,我地都决定点返碟。哩度虽然人多,人手好似唔系甘够,但系上菜的速度比我地想象中快。椒盐濑尿虾比陈家祠后巷的好味,好香好鲜甜,豉汁蒸钳鱼好家常feel,好好味,一吃就好想叫埋碗白饭来送,真系值得推介。唯一美中不足:D菜距系等埋一锅来炒既,即系如果得一台人点的菜距系唔会炒既。就好似我地点左一碟炒牛河,等左好耐,催左几次终于系逼不得已之下选择埋单之际,发觉老板娘根本就唔同我地落单,就系因为无其他人点所以距根本就无捻住同我地炒,就等我地等到唔耐烦而埋单!唉,真系皇帝女唔休嫁。
      吃完饭顺路经过光塔路,仲可以试埋果间沙湾甜品做ending,今晚哩餐真系好满足!

上一篇:干锅传奇

下一篇:永和鱼丸

本文作者精彩推荐

觅食专题

网友留言

公告栏

近期热点

近期大奖活动