×

新导航介绍,点击查看

当前位置: 美食首页 > 美食推荐
小炳 发表日期 :2007-06-25
金牌食神二级 点击数 :32608
加为好友 发悄悄话 投票数 :5

聞名不如見面嘅——鏞記

好多人话香港嘅镛记烧鹅好食,又有人话佢嘅皮唔脆,仲衰过大家乐嘅出品.呢日,系朋友嘅带领下试食咗一次.

飞天鹅:冇见过镛记标榜"脆皮"两字,只是呢度嘅烧鹅做法唔同,呢度着重嘅系肉质,带有浓郁嘅鹅味,鹅系事先奄过嘅,肉汁丰富,带有鲜味,加上烧鹅嘅香,个人认为值得一试.要求脆皮干身嘅可以去深井,呢度就唔适合了.

松子云雾肉:其实系叉烧版嘅东坡肉,用上云雾茶叶包住五花腩肉嚟薰,虽然肥膏一片,但唔会太腻,别具风味.

酸姜皮蛋:卖相已经一流,糖心皮蛋好似深色嘅琥珀,软滑嘅质感同味道,配合酸甜啱啱好嘅子姜,作为前菜小食,系不二之选.

薰鸡:食落有香浓嘅茶薰香气,烟薰味足,可惜只鸡食落似冰鲜鸡,可能受禽流感影响呱...

礼云子蒸豆腐:礼云子系蟛蜞仔嘅膏而非卵,味道鲜甜而唔似虾子嗰种咸香,衬豆腐够晒清香嫩滑。

鲜奶炖花膠:呢个甜品唔错,不过要食得奶臊味嘅人兄先好点。

本文作者精彩推荐

觅食专题

网友留言

公告栏

近期热点

近期大奖活动