×

新导航介绍,点击查看

当前位置: 美食首页 > 美食推荐
gimi 发表日期 :2007-06-25
金牌食神五级 点击数 :23399
加为好友 发悄悄话 投票数 :9

超级难食的金本自助下午茶

琴日同橙翼去左正佳唔知几楼的金本涮涮锅,食下午茶自助餐,仲要28元一位!
环境几好嘅,d食物睇上去唔差,但係食落就知道赖野啦!

等我慢慢列举罪状:
睇上去好靓的蛋糕就冇咩味道,估计都係奶油黎噶,食完好腻!
忌廉汤好怪啊,好似加左味精甘,唉~
西米啫哩蛋糕,完全无牛奶味,应该话乜味道都无,只有果d凝胶嘅味道,想吐~
凉菜仲茶,咩野凉拌粉丝、面、通心粉等,全部都冻冰冰,硬梆梆,仲要好似有d“叔”味!
点心,看上去好美,一样都係硬梆梆嘅,用叉好辛苦先戳得入,晕!
水果沙律,如果斋食水果玉米等就好d,但千祈唔好捞沙律酱,d千岛酱酸到阿妈都唔认得!
台湾卤汤,咸到阿妈都唔认得!
饮品,冰红茶淡过白滚水!
最后摞两个餐包食下,牛油就係超市有包装果d,当然无问题,但个餐包可以掟死狗咯!

唉,28元一个人啊,凭咩野?!d食物肯定系午晚饭市比d人自助餐食剩摞出来噶啦!间野真係唔多掂,我地响入面坐果阵,见到有人想入嚟试,真係好想大叫佢地“唔好啊!”

不过呢,d服务员态度都算ok,净係唔比我影相遮!
----------

总之一句,我地做左白老鼠,大家千祈唔好去!


上一篇:午后比桠特

下一篇:好大妈休闲广场

本文作者精彩推荐

觅食专题

网友留言

公告栏

近期热点

近期大奖活动